Autotech
Industria e veturave në Evropë, në ngecje
Prodhues të njohur botërorë, përfshirë kompanitë “Toyota” dhe “Ferrari”, këtë vit nuk morën pjesë në panairin e Frankfurtit
Jens Wagner ka punuar në panairin e veturave në Frankfurt të Gjermanisë qe 20 vjet, duke shitur kapele me logo të prodhuesve të veturave, rroba të ndryshme dhe vetura lodra. Ai thotë se ky panair nuk është si ka qenë dikur.
“Nëse shikoni rreth vetes, ju do të shihni vetë se çfarë është duke ndodhur. Më pak njerëz, më pak prodhues, gjithçka më pak”, thotë burri 47 vjeç.
Ai i kujton ato që thotë se ishin ditët e arta, kur veturat me motorë të zhurmshëm ua zinin vendin veturave elektrike, kur tregu i lirë mbizotëronte ndaj masave mbrojtëse dhe kur panairet industriale si ai i Frankfurtit shkëlqenin.
Ndonëse në panairin 10-ditor vijnë ende mijëra vizitorë, numri i kompanive që morën pjesë në panair ra nga 994 sa ishte në vitin e kaluar në 830 këtë vit. Prodhues të njohur botërorë, përfshirë kompanitë “Toyota” dhe “Ferrari”, këtë vit nuk morën pjesë në panair, raporton Gazeta Express.
Disa kompani të tjera vendosën të shfrytëzojnë hapësirë më të vogël në panair këtë vit, duke thënë se duhet të gjejnë mënyra të tjera më inovative për t’u lidhur me klientët.
Zvogëlimi i panairit më të madh në Gjermani, i cili mbahet çdo të dytin vit, mund të ketë lidhje më shumë me dëshirën e njerëzve për të marrë pjesë në tubime të këtilla sesa për vetë industrinë e veturave, por kjo dukuri po përputhet edhe me vështirësitë e vërteta me të cilat po përballet ky sektor i industrisë, shkruan “Washington Post”, përcjell Albinfo.ch.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?