Italia e bën të detyrueshme: Pasaportë e vaksinimit ose mbetesh pa punë dhe pa pagë

Dëshmi se janë vaksinuar me dy doza vaksine anti Covid do të tregohet për hyrje në punë

Nga 15 tetori, Italia do të kërkojë pasaportë vaksinimi për të gjithë punonjës si në sektorin shtetëror, ashtu edhe atë privat.

Administrata publike është e fundit në zinxhirin e vendeve të punës kur kërkohet pasaporta e gjelbër pas bareve, restoranteve, kinemave etj.

Dëshmi se janë vaksinuar me dy doza vaksine anti Covid do të tregohet për hyrje në punë, por edhe për hidraulikun apo elektricistin që kryen punime në banesa private. Secila kompania zgjedh se si i ushtron kontrollet për pasaportën e vaksinimit, raporton TCH, transmeton albinfo.ch.

Ata që nuk kanë një të tillë, nuk do të hiqen nga puna, por do t’u ndalet paga.

Prej ditësh nga veriu në jug në Itali po protestohet kundër këtij vendimi të qeverisë, ndërkohë pa ‘green pass’ në Itali nuk hyn dot më në muze, restorante apo mjedise të tjera publike.

---