Kosova
U morën ryshfet kosovarëve, arrestohen 8 efektivë të policisë kufitare në Mal të Zi
Policia malazeze arrestoi 8 policë kufitarë të dyshuar për marrje ryshfetesh nga shtetas të huaj nga Shqipëria, Turqia dhe Kosova, njoftoi të mërkurën në një konferencë shtypi ministri i Punëve të Brendshme të Malit të Zi, Danilo Sharanoviç, përcjell albinfo.ch.
Sharanoviç tha se 7 policë janë arrestuar të martën në vendin e punës në pikën kufitare ndërmjet Malit të Zi dhe Shqipërisë, Bozhaj-Hani i Hotit, dhe një polic tjetër në Danilovgrad, një qytet pranë Podgoricës.
“Provat tregojnë se policët e arrestuar për një kohë të gjatë u kanë marrë para udhëtarëve që kanë kaluar kufirin për të shmangur kryerjen e veprimeve zyrtare dhe gjithashtu në kuadër të kompetencave të tyre kanë marrë para për veprimet zyrtare që ata duhej të kryenin”, tha Sharanoviç.
Ky aksion, tha Sharanoviç, ka zgjatur 5 muaj, ndërkohë që edhe ndaj 27 shtetasve nga Shqipëria, Turqia dhe Kosova, të cilët dyshohet se u kanë dhënë ryshfet, janë ngritur kallëzime penale. Ministri Sharanoviç theksoi se për shkak të rasteve të tilla, Ministria e Punëve të Brendshme e Malit të Zi ka nxjerrë një rregullore për kontrollin e pasurisë, të të ardhurave dhe mënyrës së jetesës të policëve.
Punonjësit e policisë dhe të doganave në pikat kufitare mes Malit të Zi dhe Shqipërisë, sipas analizave zyrtare, shpeshherë janë dyshuar për veprat e shpërdorimit të detyrës dhe për korrupsion pasiv, ndaj të cilëve janë ndërmarrë veprime hetimore dhe arrestime.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter