Kosova
Ja sa kanë pasuri liderët e Kosovës
Në Agjencinë Kundër Korrupsionit, janë publikuar deklarimet e pasurisë nga zyrtarë e politikanë shtetërorë.
Presidenti i Kosovës Hashim Thaçi i cili së fundmi ka kaluar në shtëpinë e tij të re luksoze, në deklarimin e pasurisë tek Agjencia Kundër Korrupsionit e ka vlerësuar 350 mijë euro. Shtëpia 350 mijë eurosh ka 450 metra katror dhe është në pronësi të përbashkët, mes tij dhe bashkëshortes së tij.
Deklarimi i pasurisë – Hashim Thaçi
Në sqarimin e dhënë për AKK-në, Thaçi thotë se 113 mijë euro janë investuar në shtëpinë e kontraktuar, ndërsa pjesët e tjera i ka shpenzuar për shpenzime familjare dhe rreth 7 mijë euro thotë se i ka ende në llogari.
Vitin e kaluar, Thaçi kishte deklaruar se posedon dy vetura, një “Audi A4” dhe një “Audi Q5”, ndërsa këtë vit, ai ka deklaruar vetëm veturën e Q5.
Presidenti i Kosovës Hashim Thaçi në deklarimin e tij të pasurisë në Agjencinë Antikorrupsion ka deklaruar se ka në dy banka të kursyera mbi 10 mijë euro ndërsa merr pagë vjetore 33 mijë e 282 euro si president.
Deklarimi i pasurisë – Ramush Haradinaj
Kryeministri Ramush Haradinaj, ka deklaruar se ka një shtëpi banimi të lëshuar me qira, shtëpi familjare –Kullë, Tokë kodrinore, tokë-truall, shtëpi banimi dhe një banesë.
Kryeministri në deklarimin e pasurisë ka treguar se ka para të gatshme në vlerë 71.720 euro, të cilat i mban në njërën nga bankat në Kosovë, por gjithashtu ka edhe detyrime financiare siç është kredia në vlerë 133.931 euro, TVSH nga qeraja e shtëpisë për 11 muaj gjatë një viti 14.531 euro dhe detyrim financiar për banesë në vlerë 20 mijë euro.
Pasurinë e ka deklaruar edhe kryeparlamentari Kadri Veseli
Deklarimi i pasurisë – Kadri Veseli
Kryetari i Kuvendit të Kosovës Kadri Veseli ka një banesë në Prishtinë në emër të bashkëshortes së tij Violetës e cila në bazë të deklarimit të pasurisë është blerë në vitin 2001 në vlerë 97 mijë euro. Veseli ka deklaruar se ka blerë një lokal 270 metra katror për vlerën e së cilit nuk ka treguar ndërsa ka thënë se ka marr kredi prej 110 mijë euro për blerjen e tij.
Ai gjithashtu ka një shtëpi të përbashkët pronë e babait të tij si dhe 10 hektarë mal pronë po ashtu e babait të tij.
Veseli merr pagë vjetore prej 33 mijë euro si kryetar i Kuvendit e po ashtu mbi 5 mijë euro mëditje.
Gruaja e tij Violeta merr pagë vjetore prej 3420 euro si profesoreshë në gjimnazin “Sami Frashëri” dhe 17 mijë e 640 euro nga Kobit PC.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?