Jahjaga po punon për krijimin e Grupit “Miqtë e Kosovës”

Presidentja Atifete Jahjaga në Vlorë po punon për krijimin e Grupit “Miqtë e Kosovës”, ku do të përfshihen ish-diplomatë ndërkombëtarë, shkruan Express.

Jahjaga do të kthehet nga pushimet në Vlorë me ide të qartë për krijimin e Grupit “Miqtë e Kosovës”, të cilën e ka paralajmëruar disa herë gjatë muajve të fundit.

Ajo synon të mbledhë në një grup “figura të shquara ndërkombëtare që do të lobojnë dhe do të punojnë për imazhin e vërtetë të Kosovës”.

Për konkretizimin e kësaj ideje, atë do ta ndihmojnë edhe përfaqësues të shoqërisë civile.

Dy këshilltarë të Presidentes Jahjaga, Ilir Deda dhe Qëndrim Gashi, të kontaktuar nga Expressi, nuk kanë pranuar të flasin për këtë temë, por megjithëkëtë asnjëri nga ta nuk e ka mohuar.