Kalifornia shënon rënie të rasteve me COVID-19, por nevoja për vaksina po rritet

Keystone (University of Oxford/John Cairns via AP)

Zyrtarët e Kalifornisë kanë sinjalizuar optimizëm se vala e fundit, më vdekjeprurëse, e pandemisë ka filluar të pakësohet, ndërsa shteti më i populluar i SHBA-së bën vaksinat.

Por, punonjësit e kujdesit shëndetësor në qarkun Fresno thanë se dhomat e tyre të urgjencës dhe departamentet e kujdesit intensiv janë ende të mbushura me pacientë.

“Sigurisht, nëse spitali juaj shkon nga 200% kapacitet në 150%, natyrisht ata do të thonë se po duket më mirë”, tha Amy Arlund, një infermiere e ICU në spitalin Kaiser Fresno.

“Por, në tërë karrierën time 20-vjeçare, nuk kam parë kaq shumë njerëz të sëmurë”.

I ndodhur në zemër të luginës qendrore të Kalifornisë, qarku Fresno është mbingarkuar nga pandemia e koronavirusit. Spitalet në rajon ende kanë mungesë të shtretërve të ICU, personelit mjekësor dhe pajisjeve. Dhe qarku po vuan për shkak të mungeave të vaksinave.

Rreth një në çdo 11 njerëz në Fresno kanë rezultuar pozitivë me koronavirusin që nga fillimi i pandemisë, dhe madje ndërsa pranimet në spital fillojnë të ngadalësohen, qarku prej rreth 999,000 njerëz po regjistron rreth 450 raste të reja në ditë, shkruan “The Guardian”, përcjell albinfo.ch.