Lajme
Ka mbytur gjyshen dhe i ka prerë kokën: Fillon gjykimi i shqiptarit nga Maqedonia
I riu, sot 21 vjeçar, i lindur në Maqedoninë e Veriut, sipas raporti të ekspertit përkatës, ka qenë mentalisht i sëmurë kur dyshohet se ka vrarë gjyshen e tij në banesën e familjes
Ka filluar sot në Frauenfeld procesi gjyqësor kundër një 21-vjeçari i cili akuzohet se në tetor të vitit 2018 ka vrarë gjyshen e tij dhe më pas i ka prerë kokën, njofton sda.ch.
Për shkak të brutalitetit të vrasjes, ky krim pati bërë jehonë të madhe në Zvicër. Po kështu edhe gjykimi i sotëm është duke bërë bujë. Disa nga mediat zvicerane po raportojnë drejtpërdrejt nga salla e gjykimit, duke e pasqyruar gjykimin në kohë reale.
Pikat kryesore të aktakuzës bazohen në konstatimin se i akuzuari është i papërgjegjshëm penalisht (në gjendje jo normale psikike).
Në qendër të seancës dëgjimore në Gjykatën e Qarkut në Frauenfeld është akuza për vrasje me dashje dhe “cënim të paqes së të vdekurve”, transmeton albinfo.ch.
I riu, sot 21 vjeçar, i lindur në Maqedoninë e Veriut, sipas raporti të ekspertit përkatës, ka qenë mentalisht i sëmurë kur dyshohet se ka vrarë gjyshen e tij në banesën e familjes.
Sipas prokurorisë, ai së pari ka ngufatur gruan 74-vjeçare të gjunjëzuar në dysheme derisa ajo ishte duke bërë ritualin e lutjeve, përcjell albinfo.ch. Kur ajo kishte mbetur pa vetëdije, ai e ka vrarë atë me një thikë kuzhine.
Nipi pastaj i ka prerë gjyshes kokën të cilën e ka marrë, të mbështjellë me një thes plastik dhe peshqir mëndafshi, dhe e ka ngarkuar në çantën e shpinës.
Para se të largohej nga banesa, ai kishte shkruar një letër lamtumire dhe rrëfimi. Por ai është arrestuar disa orë më vonë në Aeroportin e Cyrihut.
Për dy akuzat kryesore, zyra e prokurorit publik është duke kërkuar pafajësi për shkak të paaftësisë për të gjykuar, të të akuzuarit.
Ndaj tij duhet të urdhërohet një masë spitalore për trajtimin e çrregullimeve mendore.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën