Lajme

Kamala Harris vaksinohet kundër Covid-19

E martë, 29 Dhjetor 2020 - 21:35 albinfo.ch
Kamala Harris - Photo Profil facebook

Nënpresidentja e zgjedhur e Shteteve të Bashkuara, Kamala Harris, u bë politikania e fundit amerikane që mori vaksinën kundër koronavirusit.

Harris mori të martën vaksinën e krijuar nga kompania Moderna, ndërsa ngjarja u transmetua drejtpërdrejt në televizion.

“Mezi e ndjeva”, tha Harris, pasi u injektua.

“Dua t’i inkurajoj të gjithë që të marrin vaksinën, është relativisht pa dhimbje, është e sigurt. Unë kam besim te shkencëtarët”, tha ajo.

Disa politikanë amerikanë, përfshirë presidentin e zgjedhur, Joe Biden, nënpresidentin Mike Pence dhe kryetaren e Dhomës së Përfaqësuesve, Nancy Pelosi, e kanë marrë tashmë vaksinën.

Biden dhe Harris do të marrin detyrën më 20 janar dhe po përpiqen të krijojnë besim tek imunizimi.

 Të ngjashme

Një neurokirurg akademik shqiptar, në mes të Kolorados dhe Bazelit

 Të tjera nga Lajme

Ftesë për pjesëmarrje në librin “Dritë mbi plagë 2”

 E-Diaspora

 Jeta në Zvicër