Gastronomët shqiptarë në Zvicër
Kamer Idrizi, një rrugëtim me shumë suksese në gastronomi
Ka filluar si punëtor në restorante, ka vazhduar për 20 vjet me agjenci udhëtimi, për t`iu kthyer sërish restoranteve. Por kësaj here ndryshe. Kamer Idrizi sot ështe pronar i dy restoranteve në Gjenevë

Kamer Idrizi është pronar i dy restoranteve të bukura dhe të mëdha, “La Cité des Vents” dhe “Cité Fleurie, në rrethinën e Gjenevës. I vendosur në Zvicër për një kohë të gjatë, ky sipërmarrës, po aq energjik, sa edhe i qetë, ka arritur të ndërtojë një karrierë të bujshme mes zanatit të kuzhinës dhe atij të udhëtimit, shkruan albinfo.ch

Kamer Idrizi më priti në restorantin e tij “La Cité des vents”, që ndodhet në Lignon. Një vend i gjerë dhe i ndritshëm që ofron mundësi të shumta: piceri, lounge bar, ose vinotekë. Si një bonus, ky institucion ofron edhe një furrë buke, një çajtore si dhe një sallë konferencash. Ky lokal modern, i ndërtuar në një lagje të re, tregon sa shumë ka ngrohtësi brenda.
Sipërmarrësi me përvojë është pronari i lumtur i këtyre mureve për gati pesë vjet, ndërsa ka edhe një restorant tjetër në Onex që nga viti 2008.

Një karrierë me udhëtime
Pas studimeve të tij, ai fillon së pari punën në restorant dhe, më pas, vendos të themelojë agjencinë e tij të udhëtimit, të cilën e drejton për gati 20 vjet.
Pionier i zhvillimit të turizmit zviceran në Mal të Zi dhe Kroaci, Kamer Idrizi është një njeri modest dhe inteligjent, i cili gjithmonë ka qenë në gjendje të identifikojë potencialin e kompanive. Bile, për një kohë të gjatë ai kishte monopolin e udhëtimeve në Lindje.
Por, me arritjen e zhvillimit të internetit, demokratizimin e udhëtimeve dhe ndryshimet e mëdha në fushën e turizmit, Kamer Idrizi nuk humb kohë dhe vendos t’i rikthehet natyrisht restorantit, dashurisë së tij të parë.
I buzëqeshur, ai më thotë se udhëtimi dhe ushqimi janë të lidhura ngushtë. Për të, gatimi është tashmë një udhëtim: shija e tij për ekspedita vërehet në dy lokalet e tij. Pasi ka udhëtuar në katër anët e botës dhe duke parë mijëra restorante, me lehtësi dhe besim arrin të menaxhojë njëkohësisht «La cité fleurie» dhe «La cité des vents»

Njeri që frymëzon
Shef i 23 punonjësve, i përkushtohet një klientele të rregullt, të gjithë janë të kënaqur me restorantet e tij. I vendosur dhe shumë i sigurt, duket se z. Idrizi nuk ka nevojë të shqetësohet për suksesin e tij, sepse shumica e klientëve vijnë mbi të gjitha për njeriun që ai mishëron: “Ky njeri me sy të ndritshëm është një shembull suksesi, i frymëzuar dhe frymëzues, prandaj edhe ka qenë shumë herë i intervistuar më parë. Aftësia e tij për të shprehur veten dhe për të treguar historinë e tij dëshmon cilësinë e tij”.
Përtej aktiviteteve të tij profesionale, Kamer Idrizi është një qytetar i përkushtuar, i cili mbështet shumë nisma shoqërore si dhe komunitetin e tij.
Duke e lidhur dashurinë e punës me solidaritetin, suksesi i tij nuk mund të shikohet vetëm në aspektin personal, sepse ai mund të shihet si një figurë që duhet ndjekur.




Të tjera nga Gastronomët shqiptarë në Zvicër
E-Diaspora
-
Në Gjykatën Federale Penale
6 shtetas të Kosovës dhe të Maqedonisë akuzohen për terrorizëm Gjashtë të akuzuarit (26 deri në 33 vjeç), janë shtetas të Kosovës apo Maqedonisë, njëri është...
-
Shqiptarët në vitin 2022, rekord aplikimesh për azil në Britani
-
Dy shkolla shqipe hapen në Itali
-
Në Britani rekord kërkesash për azil në 2022, në BE niveli më i lartë në tri vjet
-
Filmi i regjisores nga Kosova shfaqet në Bruksel
Jeta në Zvicër
-
Fillimi i jetës në një vend të huaj: Zvicra e kalon Austrinë dhe Gjermaninë Një renditje e re ndërkombëtare ka bërë që Zvicra të renditet mbi fqinjët e saj gjermanishtfolës,...
-
Posta në Bernë paguan 10,000 CHF në muaj që punëtorët të shkojnë në punë me taksi
-
Lucern: Dënohen babë e mirë, mashtruan me kredi urgjente të Covid-it për 365 mijë CHF
-
Probleme teknike me shërbimet online të CS
-
Sondazhi në Zvicër, cila parti ka rënë më shumë