Kantoni i Cyrihut kundërshton BAG-un: 29 vjeçari nuk ka vdekur nga Covid-19

Zëdhënësi i kantonit: "Bazuar në gjetjet mjekësore, megjithatë, mund të përjashtohet që Covid ishte shkaku i vdekjes"

Midis 21 dhe 27 dhjetorit të vitit që lamë pas Zyra Federale e Shëndetit Publik (BAG) ka regjistruar vdekjen e një fëmije të gjinisë mashkullore pa i mbushur 10 vjet dhe të një të riu në kategorinë 20 deri 29 vjeç.

“Në dhjetor, BAG ka raportouar një rast  vdekjeje në të një personi të moshës 0-9 vjet nga kantoni i St. Gallenit dhe të një tjetri të moshës mes 20-29 vjet nga kantoni i Cyrihut”, shkruan zëdhënësja e BAG, Katrin Holenstein, transmeton albinfo.ch. Kantonet janë përgjegjëse për informacione të mëtejshme.

Ndërkaq, zëdhënësi për media në Kantonin e Cyrihut, Patrick Borer ka konfirmuar se një person 29-vjeçar i cili kishte rezultuar pozitiv për Covid-19 kishte vdekur në kantonin e Cyrihut.

Por,  ai ka kundërshtuar informatën e dhënë nga BAG, sipas të cilës vdekja ka ndodhur si pasojë e koronavirusit. “Bazuar në gjetjet mjekësore, megjithatë, mund të përjashtohet që Covid ishte shkaku i vdekjes”. Për arsye të mbrojtjes së privatësisë, departamenti i shëndetësisë nuk mund t`i qasje më tej shkaqeve të vdekjes.

---