Lajme
Kaq fluturime u anuluan në Munih për shkak të grevës
Sindikata Verdi ka bërë thirrje për një grevë për rritjen e pagave.
Në Aeroportin e Munihut janë anuluar të mërkurën gjithsej 36 fluturime hyrëse dhe dalëse. Kjo pasi stafi tokësor u largua nga puna për pesë orë për të marrë pjesë në një grevë të shkurtër.
Sindikata Verdi ka bërë thirrje për një grevë për rritjen e pagave. Në shënjestër të grevës ishte Swissport Losch, një kompani që ofron shërbime toke, hotelerie dhe ngarkesash, përcjell Albinfo.ch.
Pjesëmarrja e punëtorëve ishte e lartë, tha një zëdhënës i sindikatës.
Ndërsa zëdhënësi i aeroportit tha se janë anuluar futurimet e operuara nga Air Dolomiti, Citylike dhe Eurowings në emër të Lufthansa drejt destinacioneve duke përfshirë Palma de Majorka, Firence, Torino, Bolonja, Cyrih, Shtutgart dhe Dresden janë anuluar.
Verdi po kërkon një rritje të konsiderueshme të pagave për gati 600 punëtorë të Swissport Losch për të “siguruar një pagë reale për shkak të inflacionit tetë për qind”, tha kryenegociatorja Manuela Dietz.
“Kompania më pas mund të plotësojë pozicionet e saj të hapura”, tha Dietz.
Swissport Losch ofron shërbime pasagjerësh, si dhe shërbime të bagazheve dhe ngarkesave për linjat ajrore dhe filialin e aeroportit Aeroground. Ajo ofron shërbime të parkimit të avionëve, duke përfshirë shërbimet e autobusëve dhe transportit. Data e negociatave të reja ende nuk është përcaktuar./Albinfo.ch/
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe