Ekonomi

Kartëmonedha 500 euro, ditët e numëruara

Heqja e kartëmonedhave prej 500 eurosh do të zbatohet në eurozonë nga janari i vitit të ardhshëm

Megjithatë, në Gjermani, kartëmonedhat e mëdha do të përdoren pak më gjatë: ato do të jenë në dispozicion në “Bundesbank” deri në fund të muajit prill 2019, shkruan albinfo.ch.

Në vitin 2016 Banka Qendrore Evropiane vendosi të ndërpresë prodhimin e kartëmonedhës më të madhe të euros “në fund të vitit 2018”. Në Gjermani ka ende pak kohë për t’u thënë lamtumirë kartëmonedhave me ngjyrë vjollce. Deri më 26 prill 2019 ata janë në dispozicion në “Bundesbank”. Banka austriake gjithashtu e ka zgjatur afatin deri në këtë datë. 17 bankat e tjera qendrore kombëtare të Eurosistemit do ta mbyllin çështjen më 26 janar 2019.

“Ne zgjodhëm për këtë periudhë më të gjatë, sepse bankat qendrore gjermane dhe austriake hoqën shumicën e kartëmonedhave 500 euro nga qarkullimi”, tha kryetari i “Bundesbank”, Johannes Beermann.

Edhe nëse nuk prodhohet më, kartëmonedhat 500 euro mbeten si tender ligjor. Edhe pse shumë biznese nuk e kanë pranuar për një kohë, ato mund të shkëmbehen në bankat kombëtare. Nuk ekziston afati kohor për këtë, ligji ruan vlerën e tyre për një kohë të pacaktuar.

Hetuesit shpresojnë se pa kartëmonedhat prej 500 eurosh, pastrimi i parave dhe financimi i terrorizmit në Evropë do të jenë më i vështirë.


 Të tjera nga Ekonomi