LIFESTYLE

Këngëtarja shqiptare nga Zvicra nënshkruan kontratë me “Four Music”

Ilira Gashi ka nënshkruar kontratë me “Four Music”, që është degë e “Sony”

Njëra nga këngëtaret më të njohura shqiptare në Zvicër është Ilira Gashi. Ajo është me prejardhje nga Prishtina, derisa e lindur në Bernë.

Babai i saj është nga Kosova, kurse nëna nga Shqipëria, derisa Ilira ka ndërtuar karrierën në Zvicër.

Këngëtarja e njohur e zhanrit pop ka nënshkruar kontratë shumë të rëndësishme me kompaninë e njohur “Four Music”, që është edhe degë e “Sony”, shkruan albinfo.ch.

Gashi është një këngëtare shumë e talentuar, dhe po shkon hapave të Rita Orës, Dua Lipës e Bebe Rexhës.

Ajo ishte edhe kandidate më 2011 për të përfaqësuar Zvicrën në “Eurosong”. Ndërkohë, në maj 2010, Ilira Gashi merr pjesë në “Top Fest 7” me këngën “Shoku im më i ngushtë”.

Në nëntor 2010 merr pjesë në Kënga Magjike 2010 me këngën “Tek”.  Në qershor 2011, Ilira Gashi merr pjesë në “Top Fest 8” me këngën “Ëndërr”.

Video