Lajme
Kërkohet mbështetje për ndërmarrësit
Ndërmarrjet e vogla dhe të mesme duhet të gëzojnë mbështetje më të mëdha nga shteti, konsideron një hulumtim i bërë në kuadër të projekti KOSME
Autoritetet kosovare duhet t’i mbështesin më shumë ndërmarrjet e vogla dhe të mesme (NVM) që të zhvillohen më shumë edhe në aspektin e eksportit. Kështu u tha në prezantimin e hulumtimit: “Gjendja e NVM-ve në Kosovë” e cila gjithashtu rekomandon që edhe gratë të inkuadrohen më shumë në ndërmarrësi.
Ky hulumtim është bërë në kuadër të projektit KOSME, projekt i financuar nga Agjencia Austriake për Zhvillim, Agjencia Zvicerane për Zhvillim dhe Bashkëpunim, dhe i bashkëfinancuar nga Ministria e Tregtisë dhe Industrisë.
Qëllim i këtij hulumtimi, siç u tha, ishte analiza e gjendjes momentale të ndërmarrjeve të vogla dhe të mese dhe mundësitë për zhvillimin e politikave të reja mbështetëse për NVM-ve.
“Qasja në financa mbetet një ndër sfidat kryesore të NVM-ve; së dyti, fokusi duhet të jetë në krijimin e politikave për mbështetjen e eksportit dhe së treti, ndërmarrësia tek femrat nuk është e zhvilluar mirë dhe është e fokusuar në disa industri specifike si dhe zakonisht femrat janë ato që janë pronaret e vetme në biznes”, thuhet ndër rekomandimet e hulumtimit.
Ndryshe, më 17 Dhjetor 2014, u organizua konferenca gjatë të cilës u prezantuan rezultatet e hulumtimit të bërë mbi gjendjen e NVM-ve në Kosovë. Ky hulumtim ka përfshirë 750 ndërmarrje të vogla dhe të mesme.
“Hulumtim kishte për qëllim identifikimin e ngecjeve dhe sfidave të bizneseve, të sigurojë bazën për rekomandime të politikave zhvillimore si dhe ta vlerësojë përshtatshmërinë e tyre”, thuhet në njoftim.
Në këtë konferencë kanë qenë të pranishëm Christian Geosits, drejtor i Zyrës, Agjencia Austriake për Zhvillim i cili potencoi rëndësinë e bërjes së këtij hulumtimi dhe përdorimin e këtyre të dhënave për zhvillimin e politikave të mëtutjeshme.
Anëtarë të panelit të kësaj konference ishin Valdrin Lluka, kryeshef i Agjencisë KIESA; Thomas Oberholzner, KOSME; Behxhet Haliti, drejtor i përgjithshëm, Administrata Tatimore e Kosovës i cili potencoi që “ky hulumtim i ka shtuar një vlerë të shtuar punës momentale të Administratës Tatimore të Kosovës, e cila është e fokusuar në ndërtimin e proceseve për lehtësira për bizneset”.
Mbi të gjitha, Haliti, ceku programet e planifikuara për vitin 2015, të cilat do të krijojnë lehtësira të reja për bizneset.
Anëtarë tjerë të panelit ishin: Safet Gërxhaliu, kryetar, Oda Ekonomike e Kosovës dhe Arian Zeka, drejtor ekzekutiv, Oda Ekonomike Amerikane në Kosovë. Pjesëtar të kësaj konference ishin bizneset, përfaqësuesit e shoqatave të bizneseve dhe përfaqësues të organizatave të ndryshme donatore.
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Zvicër
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Bashkëpunimi Zvicër-Kosovë, diskutojnë Rafuna e Fetahi
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër