Këto janë shtetet që mbështesin Kosovën për anëtarësim në Këshillin e Evropës

Frederic Köberl @internetztube

Më 12 maj Qeveria e Kosovës kishte miratuar nismën për anëtarësimin e Kosovës në Këshill të Evropës, ndërkaq aplikimin për t’u bërë pjesë e këtij institucioni ndërkombëtar e kishte dorëzuar po atë ditë ministrja e Punëve të Jashtme dhe Diasporës, Donika Gërvalla, përcjell albinfo.ch.

Aplikimin e Kosovës për t’u bërë pjesë e KE-së e patën konfirmuar për Telegrafin edhe nga ky institucion.

Ndërkohë që zëdhënësi i KE-së, Daniel Holgten, përmes një përgjigje me shkrim kishte thënë se aplikimi është pranuar dhe i njëjti i dërgohet Komitetit të Ministrave.

Shumë vende mike të Kosovës kanë shprehur mbështetjen.

Shtetet e Bashkuara të Amerikës, Gjermania, Britania e Madhe, Austria, Finlanda, Zvicra, Letonia etj., kanë shprehur mbështetjen e tyre për anëtarësimin e Kosovës në KE, ndërsa nga vendet e rajonit edhe Shqipëria e Mali i Zi janë deklaruar pro. /Albinfo.ch