Futboll
Klopp: Ju zviceranët keni drejt të hidhëroheni me mua
Trajner gjerman i Liverpoolit ka folur se pse nuk po luan Xherdan Shaqiri
Para Krishtlindjeve, Xherdan Shaqiri ishte një nga lojtarët më të preferuar të tifozëve të Liverpoolit. Golat ndaj Manchester United e ndihmuan shumë dhe mediat angleze e kishin quajtur ‘marrëveshjen e vitit’. Ai kaloi nga Stoke City në Liverpool për 15 milionë euro.
Megjithatë, kohët kanë ndryshuar dhe ai po aktivizohet rrallë, ose aspak. Kështu ndodhi edhe të mërkurën ndaj Portos, ku fituan 4:1 dhe kualifikimi dukej i sigurt, por Shaqiri nuk u aktivizua, shkruan bluewin.ch.
Pas ndeshjes, gazetari i SRF, Dani Kern e pyeti Jurgen Klopp në situatën me Shaqirin. “Në Zvicër jeni shumë i popullarizuar, por kjo ka rënë pak për shkak se nuk po luan Shaqiri. Çfarë po ndodh?”. Përgjigja e gjermanit është shumë e shkurt. “Asgjë në fakt”, përcjell albinfo.ch.
“Gjithçka është në rregull. Si një trajner, nuk më pëlqen të flas për këtë çështje, sepse nuk ka ndodhur asgjë fare”, shton tutje Jurgen Klopp.
Ai arsyetohet se konkurrenca është e madhe, dhe ekipi që ka është shumë cilësor. “Për atë se çfarë ka treguar në stërvitje, ka luajtur shumë pak”, përcjell tutje albinfo.ch.
Shaqiri kishte probleme me lëndime, por duket se i ka tejkaluar ato. “Ju (zviceranët) mund të jeni të hidhëruar me mua, por mos u shqetësoni. Jam shumë i lumtur që e kam atë”, përfundoi Jurgen Klopp.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit