Klosi: 30 mijë turistë nga Finlanda, sivjet në Shqipëri

"Është një arritje në fushën e turizmit në Shqipëri, janë 30 mijë turistë që vijnë për herë të parë në Shqipëri"

Ministri i Turizmit Blendi Klosi në takimin me qytetarët e Vlorës në kuadër të turit “Puna për Shqipërinë që Duam, llogaridhënia publike e qeverisë” ka njoftuar se sonte mbërrin charteri i parë nga Finlanda në aeroportin e Rinasit në kuadër të linjave të shtuara për turizëm.

Klosi u shpreh optimist që këtë sezon turistik Vlora do të mirëpresë më shumë vizitorë. Ai theksoi se rreth 30 mijë turistë do të vijnë për herë të parë në Shqipëri.

“Është një arritje në fushën e turizmit në Shqipëri, janë 30 mijë turistë që vijnë për herë të parë në Shqipëri. Duhet që këtë vit sezoni turistik të jetë i mirë menaxhuar”, theksoi Klosi.