Lajme
Kodi i ri telefonik i Kosovës +383, në qershor 2018
Kreshnik Gashi, kryetar i ARKEP-it tha se se viti 2017-të, është vit në të cilin realizohen thirrjet hyrëse me +383 nga operatorët të ndryshme të botës, kurse në qershor 2018, shuhen kodet ekzistuese
![](https://www.albinfo.ch/wp-content/uploads/2016/12/kodi-telefonik-587x330.jpg)
Kodi i ri telefonik i Kosovës +383 që edhi si rezultat i bisedimeve Kosovë-Serbi në Bruksel, do të funksionalizohet në qershor të vitit të ardhshëm, kur edhe do të shuhen kodet +377 dhe +386 që i kanë shfrytëzuar dy operatorët telefonik në Kosovë, Vala dhe IPKO. Ndërsa javën e ardhme, inspektorët e Autoritetit Rregullativ të Komunikimeve Elektronike dhe Postare (AKREP), do të dalin në terren për të inspektuar punën e operatorit mobil serb MTS, i cili gjithashtu do të operoj në një pjesë të Kosovës me numra të limituar.
Kreshnik Gashi është kryetar i ARKEP-it. Ai i ka thënë RTK-së, se viti 2017-të, është vit në të cilin realizohen thirrjet hyrëse me +383 nga operatorët të ndryshme të botës në drejtim të operatorëve të operatorëve të telefonisë fikse dhe mobile në Kosovë.
“Barra kryesore dhe i gjithë procesi i implementimit të kodit është mbi operatorët e telefonisë mobile dhe fikse. …Ndërsa fillimi i vitit 2018-të, do të kalojë në fazën kur do të bënë ndërrimi i sim kartelave të qytetarëve dhe do të shfrytëzohet plotësohet kodi +383. Kodet tjera ekzistuese +377 dhe +386 do të jenë kode rezervë në të cilat qytetarët do të mund të thirrin gjithashtu por kod kryesor primar do të jetë +383 deri në fillim të vitit 2018-të”, tha ai.
Ndërsa deri në qershor të vitit 2018-të, sipas tij, parashihet të shuhen funksionuar të dy kodet +377 dhe +386.
Gashi thotë se javën ardhme inspektorët e ARKEP-it do të dalin në terren për të inspektuar punën e operatorit mobil serb MTS, i cili në bazë të marrëveshjes së Brukselit ka filluar operimin e tij në zonat e banuara me minoritetet serbe dhe i ka në shfrytëzim 60 mijë numra, bashkë me shërbim të internetit.
Operatorët që janë në Kosovë, siç tha Gashi, shërbimet e internetit i kanë ofruar me vonesë, por që aktualisht me këtë shërbim e mbulojnë 70 për qind të popullsisë. Ai shton se me zhvillimin e pajisjeve teknologjike të reja, kërkohet fuqi më e madhe edhe në sasi të të dhënave që i përdorim, prandaj kjo teknologji duhet të adaptohet në vazhdimësi në mënyrë që të jetë në gjendje ta përballojë nevojën e qytetarëve.
Ndërkaq, sipas tij, rënia e të hyrave tek operatorët mobilë në vend dhe në botë vjen si shkak i komunikimeve me internet.
Ndryshe, aktualisht në Kosovës ekzistojnë dy kompani celulare, VALA që shfrytëzon hyrjen e Monakos +377 dhe IPKO të Sllovenisë +389. Kurse telefonia fikse funksionin me kodin e Serbisë +381.
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n