Tematike
Komisioni, kundër marrjes më të lehtë të pasaportës zvicerane
Dhoma Nacionale ka pranuar së fundmi iniciativën e komisionit të saj, kështu që Dhoma e Kantoneve tani duhet të merret me të
Komisioni Politik Shtetëror i Dhomës së Kantoneve të Parlamentit të Zvicrës (SPK-S) nuk dëshiron të përshtasë rregullat për natyralizim më të lehtë të të huajve të gjeneratës së tretë, transmeton albinfo.ch. Sipas komisionit, tani, kur kanë kaluar vetëm katër vjet pas hyrjes në fuqi të rregulloreve të reja, ende mbetet për t’u parë se si do të zhvillohet situata.
Për këtë arsye SPK-S po i kërkon Dhomës në fjalë të mos ndjekë një nismë parlamentare të komisionit të saj simotër nga Dhoma Nacionale e Parlamentit. Kështu ka bërë të ditur SPK-S të martën, shkruan srf.ch.
Dhoma Nacionale ka pranuar së fundmi iniciativën e komisionit të saj, kështu që Dhoma e Kantoneve tani duhet të merret me të.
Në vitin 2017, populli zviceran pati vendosur në kutinë e votimit që të huajt e mirëintegruar duhet të jenë në gjendje të natyralizohen më lehtë. Këto ndryshime hynë në fuqi në vitin 2018. Pas kësaj, megjithatë, u bë e qartë se numri i natyralizimeve të këtyre personave nuk u rrit aq sa pritej, trasnmeton albinfo.ch.
Në shkurt të vitit 2022, Komisioni Federal i Migracionit (EKM) pati njoftuar se nga rreth 25,000 njerëz që kishin mundësinë të natyralizoheshin më lehtë, vetëm 1,847 ishin bërë shtetas zviceranë deri në fund të vitit 2020. Ky është një “bilanc shokues”. Të huajt e gjeneratës së tretë ende përballen me shumë pengesa dhe pengesa burokratike.
Komisioni Politik Shtetëror i Dhomës Nacionale paraqiti nismën e tij parlamentare në fillim të vitit 2022 duke ju referuar këtyre numrave.
Nëse nuk bëhet asgjë, do të duhen më shumë se tridhjetë vjet që gjenerata e tretë e të huajve të natyralizohet lehtësisht në Zvicër, përcjell albinfo.ch. Prandaj, sipas komisionit në fjalë nevojitet një rishikim i Ligjit për të Drejtat Civile dhe urdhëresës përkatëse.
E-Diaspora
-
Shkolla shqipe në SHBA me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria “Sfida dhe suksesi në karrierë” ishte tema e simpoziumit të Lidhja e Mjekëve Shqiptarë të Zvicrës...
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit
-
Swissmedic ngre alarmin kundër ilaçeve të paligjshme për humbje peshe