Lajme
Kompozitori Ardian Halimi fiton bursën “Hanns Eisler 2024”, në Gjermani
Juria e kryesuar nga kompozitori dhe pianisti Steffen Schleiermacher ka zgjedhur atë në mesin e 47 aplikimeve
![](https://www.albinfo.ch/wp-content/uploads/2023/10/ardian-halimi-a.jpg)
Kompozitori me prejardhje nga Kosova, Ardian Halimi, merr bursën e 6-të ndërkombëtare Hanns Eisler nga qyteti i Leipzigut, Gjermani, transmeton albinfo.ch. Çmimi do t’i jepet sot, më 11 tetor 2023, në koncertin e serisë Gewandhaus musica nova nga Dr. Skadi Jennicke, kryetar i Bashkisë.
Juria e përbërë nga Stefan Conradi (Edition Peters), Prof. Stefan Fricke (Hessischer Rundfunk), Annette Schlünz (kompozitore) dhe Prof. Ipke Starke (HMT Leipzig), e kryesuar nga kompozitori dhe pianisti Steffen Schleiermacher, ka zgjedhur atë në mesin e 47 aplikimeve, shkruan musik-heute.de.
Ardian Halimi ka bindur jurinë si një kompozitor interesant me një stil individual, një katalog tashmë të gjerë veprash dhe një kronikë të vazhdueshme të performancës. Projekti i tij kompozicional ishte me interes për jurinë dhe është i realizueshëm edhe mbi bazë të formës së përshkruar.
Bursa Ndërkombëtare Hanns Eisler është pjesë e një programi kompozitor-në-rezidencë që është unike në Evropë: Kompozitori Halimi, i lindur në vitin 1990, merr 5,000 euro për shpenzimet e tij të jetesës dhe mund të banojë në vendlindjen e Hanns Eisler-it (Hofmeisterstrasse 14 në Leipzig), për pesë muaj pa pagesë nga maji i vitit 2024, në mënyrë që t’i përkushtohet projektit të tij të punës, të përshkruar më parë.
Steffen Schleiermacher dhe Ansemble Avantgarde do të shfaqin premierën e veprës së përfunduar në aktivitetin e parë të musica nova të sezonit të ardhshëm, pra në tetor 2024.
Ardian Halimi ka fituar këtë bursë pas kompozitores Karola Obermüller, e cila ishte fituesja e pestë e bursës, përcjell albinfo.ch. Ajo ka kompozuar një “oktet” për klarinetë, fagot, trombon, bateri, harpë, piano, violinë dhe kontrabas gjatë qëndrimit të saj në Leipzig. Në koncertin e sotëm do të jetë premiera e veprës së saj të muzikës së dhomës (kamertale).
Ardian Halimi ka mbaruar degën e kompozimit, në Fakultetin e Arteve të Universitetit të Prishtinës, në klasën e profesorit Mendi Menxhiqi. Nga viti 2013 ai ka vazhduar studimet pasuniversitare dhe krijimtarinë muzikore në Gjermani.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n