E-Diaspora
Koncert i madh në Vatikan për Skënderbeun
Viti jubilar i Skënderbeut ka mbledhur mbrëmë në një koncert të madh festiv emrat më të suksesshëm të artit shqiptar në botë, nën moton “Bashkuar në muzikë në kujtim të Skënderbeut”.
Në koncertin e mbajtur në selinë e shenjtë, i organizuar nga përfaqësia diplomatike e shtetit shqiptar në Vatikan, dhuruan performanca fantastike këngëtari Ermal Meta, Elhaida Dani dhe sopranoja Inva Mula.
Pjesë e koncertit ishin dhe Dua Lipa, Olen Cesari, Kledi Kadiu, Genc Tukiçi, Ramë Lahaj, Eno Peci dhe Erza Muqolli, përcjell albinfo.ch.
Në këtë atmosferë tërësisht shqiptare nuk kishte si të mungonte tenori Kastriot Tusha me këngën mbarëpopullore “Rreth në këngë e ligjërime”. Edhe ish-kapiteni i Kombëtares së Shqipërisë, Lorik Cana, u shfaq në skenë me një interpretim mbresëlënës. Më herët Papa Francesku priti një delegacionin të autoriteteve të larta të shtetit shqiptar, kryesuar nga kryetari i Kuvendit, Gramoz Ruçi. Kreu i Kuvendit të Shqipërisë i ka shprehur mirënjohje në emër të gjithë shqiptarëve Atit të Shenjtë.
Në fjalën e tij përshëndetëse Papa Françesku tha: Sot, kujtojmë e kremtojmë Gjergj Kastriotin Skënderbeun, bir heroik i një populli të fortë e bujar, që mbrojti me guxim vlerat shpirtërore dhe emrin e krishterë, aq sa të meritonte titullin “Athleta Christi”. Me veprat e tij farkëtoi identitetin kulturor shqiptar, duke u bërë simbol i padiskutueshëm lidhjeje dhe bashkimi kombëtar, si edhe interpretues në nivelin më të lartë të vlerave të besnikërisë së ndershme ndaj impenjimeve të ndërmarra lirisht”.
Kjo është hera e dytë që Vatikani mban audiencë të posaçme për shqiptarët dhe heroin tonë kombëtar.
Të ngjashme
Të tjera nga E-Diaspora
E-Diaspora
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro Bëhet e ditur se rreth 88 milionë euro është vlera preliminare e dërgesave të mërgatës që...
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
Jeta në Zvicër
-
Për herë të parë, EPFL-në do ta drejtojë një grua Një grua do të drejtoj Universitetin Politeknik të Lozanës...
-
Qytetarët e Lihtenshtajnit dhe Zvicrës kanë pagën më të lartë
-
Ja si duken fanellat e reja të Zvicrës në Kampionatin Evropian
-
Ndërprerje e transportit publik në Gjenevë
-
Numër rekord i turistëve amerikanë në pistat zvicerane të skive