Kosova humb prej Greqisë, premton se do të përmirësohet

Kombëtarja e Kosovës e përmbylli me humbje ndeshjen e sotme ndaj Greqisë ndeshje kjo e cila u organizua në kuadër të Ligës së Kombeve.

Me rezultat 0:1 dhe me dy kartona të kuq, lojëtarët e Kosovës nuk arritën të sigurojnë 3 pikë, transmeton Albinfo.ch.

Megjithatë, pas ndeshjes, Aro Muriç ka folur ku ka theksuar se nuk kishin fat, por do të tentojnë maksimumin në ndeshjet e ardhshme.

“Ne tentuam në maksimum, nuk kishim fat, por ne do të vazhdojmë. Do të përmirësohemi”, tha Aro Muriç në Klan Kosova.

Ishte pikërisht Aro Muriç ai që pësoi karton të kuq në minutat e fundit në ndeshjen e sotme ndaj Greqisë.

---