Lajme
Kosova mirëpret investitorët zviceranë
Ambasadori i Zvicrës në Kosovë, Jean-Hubert Lebet gjatë një takimi që zhvilloi me kryeparlamentarin Kadri Veseli, u shpreh optimist se investitorët helvetikë do ta shohin Kosovën si vend me interes për të investuar
Kryetari i Kuvendit të Kosovës, Kadri Veseli tha se Institucionet vendore janë duke u angazhuar për të përmirësuar klimën e të bërit biznes në Kosovë. Ai me këtë rast i ftoi investitorët nga Zvicra të që të vijnë dhe të investojnë në Republikën e Kosovës, ndërsa premtoi mbështetjen e tij dhe Kuvendit në këtë drejtim.
Kryeparlamentari kosovar këto komente i ka bërë gjatë një takimi njohës me ambasadorin e ri të Zvicrës në Kosovë, Jean-Hubert Lebet.
Siç thuhet në një njoftim për media, në këtë takim është diskutuar për zhvillimet e fundit në Kosovë dhe për bashkëpunimin ndërmjet Kosovës dhe Zvicrës. Kryeparlamentari Veseli me këtë rast e ka falënderuar ambasadorin Jean-Hubert Lebet për përkrahjen e vazhdueshme që shteti zviceran ka dhënë dhe po jep për Kosovën.
“Kosova ka nevojë që investitorë zviceran të vijnë më shumë dhe të investojnë në fusha të ndryshme. Presim që një gjë e tillë të ndodhë sa më parë”, tha ndër të tjera kryeparlamentari Veseli.
Në këtë takim po ashtu Veseli ka diskutuar me ambasadorin zviceran për fushën e sundimit të ligjit, duke shprehur kështu përkushtimin e institucioneve për luftë më të rreptë ndaj dukurive negative.
Nga ana e tij, ambasadori i ri zviceran Jean-Hubert Lebet, e falënderoi kryeparlamentarin Veseli për mikpritjen, ndërsa ritheksoi qëndrimin e shtetit zviceran në mbështetje të Republikës së Kosovës. Ai u shpreh optimist se investitorët zviceranë do të shohin Kosovën si vend me interes për të investuar.
Diplomati helvetik tha se shteti zviceran do të vazhdojë bashkëpunimin dhe mbështetjen për institucionet dhe qytetarët e Kosovës.
E-Diaspora
-
Mërgimtarët hasin në probleme gjatë regjistrimit të popullsisë, ReKos 2024 Probleme me dërgimin e kodit në email dhe mosparaqitja e linjave ndihmëse dedikuar Diasporës, vështirëson regjistrimin...
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
Jeta në Zvicër
-
Zvicra dhe Kosova, marrëveshje bashkëpunimi për projektin “Matching Skills to Jobs” Mbështetja e sistemit të arsimit profesional, ambasadori Sprecher dhe ministrja Nagavci nënshkruan marrëveshje bashkëpunimi për projektin...
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane