Lajme

Kosova, pjesë e panairit ndërkombëtar mbi energjinë diellore, Inter Solar Europa, në Mynih

Bëhet e ditur se në panairin ndërkombëtar mbi energjinë diellore, Inter Solar Europa, në Mynih, marrin pjesë edhe përfaqësues nga Kosova, njofton albinfo.ch.

Konsulli i Përgjithshëm, Afrim Nura, me kënaqësi pranoi ftesën dhe vizitoi në këtë panair z. Luan Kuçi, ndërmarrës në Gjermani dhe përfaqësues i Solax Power për gjithë Europën dhe z. Afrim dhe Erzen Krasniqi, z. Edon Neziri dhe z. Luzim Syla, përfaqësues të ndërmarrjes Elen, ndërmarrje kjo nga Kosova me një traditë mbi 20-vjeçare.

Ky bashkëpunim B2B, i një ndërmarrësi nga diaspora me ndërmarrës nga Kosova, është një shembull tjetër i suksesit, jo vetëm me pjesëmarrje në tregun ndërkombëtar, por edhe për inicimin e investimeve si dhe promovimin e Kosovës si vend me potencial të madh dhe klimë të favorshme për investime.