CH-Ballkani
Kosova pranohet në Eurovizionin për Startups
Ministri i Inovacionit dhe Ndërmarrësisë, Besim Beqaj ka thënë se pjesëmarrja e Kosovës në garën “Startup Europe Awadrs” do t’u mundësojë bizneseve kosovare rrjetëzim, promovim dhe identifikim të nevojave për financim
Kosova nga viti 2018 do të jetë pjesë e garës “Startup Europe Awards” bashkë me të gjitha shtetet e Evropës. Kjo ngjarje, siç thuhet në një komunikatë për media, është garë e bizneseve startup dhe inovative në nivel lokal, regjional, shtetëror dhe evropian, që për qëllim ka nxitjen e inovacionit, zgjidhjeve të reja dhe bashkëpunimin ndërmjet akterëve kryesorë brenda ekosistemit evropian të ndërmarrësisë.
Me rastin e pranimit të Kosovës në këtë garë të rëndësishme për inovatorët dhe ndërmarrjet kosovare, ministri i Ministrisë së Inovacionit dhe Ndërmarrësisë, Besim Beqaj, ka shfaqur kënaqësinë e tij për këtë arritje të rëndësishme.
Ai ka thënë se pjesëmarrja e Kosovës në garën “Startup Europe Awadrs” do t’u mundësojë bizneseve kosovare rrjetëzim, promovim dhe identifikim të nevojave për financim. Ministri Beqaj e ka uruar ICK-në për organizim të suksesshëm të kësaj gare në Kosovë.
“Startup Europe Awards” (SEUA), mbledh rreth vetes organizatorët, inkubatorët & akseleratorët e biznesit, universitetet, fondacionet, investitorët për një të ardhme më të mirë për bizneset startup dhe zhvillimin ekonomik të Evropës në përgjithësi. Kjo garë prestigjioze që nga viti 2018 në Kosovë do të organizohet nga Qendra e Inovacionit e Kosovës (ICK) dhe do të jetë e ndarë në kategori të ndryshme si: Industri Kreative, Energji, Fintech, Green, e-Health, Internet of Things, Smart Cities, Siguri Kibernetike, EdTech, AgriTech, Modë dhe ndryshime klimatike. Fituesi i garës shtetërore, do të përfaqësojë vendin tonë në nivel të Evropës”, thuhet në njoftim .
Të tjera nga CH-Ballkani
E-Diaspora
-
Shfrytëzimi i të huajve: Një kosovar punoi 35 vjet në një fermë në Zvicër pa leje qëndrim e pa leje pune Sans-Papiers, pra njerëzit që janë në vend pa leje qëndrimi, me sa duket po shfrytëzohen në...
-
Kompania nga diaspora në Zvicër dhe Gjermani, “Orllati”, do të ndërtojë parkun solar në Kosovë
-
Promovohet në Cyrih platforma “Putpuri”, nga Prishtina
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
Jeta në Zvicër
-
Ndërrimi i orës rritë rrezikun e përplasjeve nga makina të kafshëve të egra në rrugë Ndryshimi i orës të dielën rrit rrezikun e përplasjeve me drerë, vjedulla dhe kafshë të tjera...
-
Jo të gjitha qytetet zvicerane kanë problem strehimi
-
Janë shitur pothuajse të gjitha biletat për Kampionatin Evropian të Futbollit
-
Shfrytëzimi i të huajve: Një kosovar punoi 35 vjet në një fermë në Zvicër pa leje qëndrim e pa leje pune
-
Gjithnjë e më shumë zviceranë po largohen nga Zvicra