Kosovarët shënojnë rekord në kursime, 5.89 miliardë euro në banka

Shuma e kurisimeve që qytetarët e Kosovës kanë në banka ka arritur në vlerën prej 5.89 miliardë euro.

Këtë e ka bërë të ditur Banka Qendrore e Kosovës pikërisht të martën, në Ditën Botërore të Kursimeve.

Kjo vlerë konsiderohet më e larta që është shënuar deri më tani.

“Depozitat e klientëve në shtator 2023 kanë shënuar rritje për rreth 14.63 milionë euro krahasuar me muajin paraprak. Depozitat në shtator 2023 arritën vlerën 5.89 miliardë euro”.

Rreth 25% e kursimeve janë me afat.

“Ekonomitë familjare dominojnë me rreth 66.5% të totalit të depozitave (apo rreth 3.88 miliardë euro). Vlera e depozitave të reja në muajin shtator ishte 87.02 milionë euro”.