Lajme
Kosovari dyshohet se ka kontrabanduar 3 bashkatdhetarë të tij
Dy gratë dhe burri në pjesën e pasme të veturës të moshës kishin pasaporta, por nuk kishin dokumente për qëndrimin e tyre në vend
Policia Federale e Gjermanisë ka akuzuar një kosovar për kontrabandë me tre bashkatdhetarë të tij. Katërshja është ndaluar në autostradën B2 pranë qytetit Mittenwald, transmeton albinfo.ch.
Në pikën kufitare Scharnitz – Mittenwald, zyrtarët e policisë federale kanë kontrolluar të shtunën pasagjerët e një makine me targa italiane. 45-vjeçari që ngiste makinën është identifikuar me pasaportë kosovare dhe leje qëndrimi italiane, shkruan merkur.de.
Dy gratë dhe burri në pjesën e pasme të veturës (të moshës 17, 19 dhe 44-vjeçare) kishin pasaporta me vete, por nuk kishin dokumente për qëndrimin e tyre në Gjermani. Drejtuesi i mjetit u bë sikur nuk dinte gjë për ta dhe shpjegoi se thjesht nuk kishte menduar se cilat dokumente nevojiteshin.
Pas përfundimit të masave policore, tre personat janë denoncuar për tentim të paautorizuar për të hyrë në vend, përcjell albinfo.ch. Shoferi i tyre ka mundësi të akuzohet si përgjegjës për kontrabandën e të huajve. Policia federale Garmisch-Partenkirchen ka refuzuar hyrjen për shtetasit kosovarë dhe ia ka dorëzuar të katër personat policisë austriake.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit