Kosova
Kosovari paraqet rrezik për Italinë – dëbohet nga atje
Lajmi është bërë i ditur nga ministria e Punëve të Jashtme në Kosovë
Zëvendëskryeministri i Qeverisë së Italisë, Matteo Salvini, ka njoftuar sot se ka nënshkruar dëbimin e kosovarit 43-vjeçar, M.M., banor afër Siena-s.
Siç thuhet në njoftimin e tij publik, kosovari ka paraqitur rrezik për sigurinë e këtij vendi, përcjell albinfo.ch.
Lajmi është bërë i ditur nga Ministria e Punëve të Jashtme në Kosovë.
“Ngjashëm veprojmë edhe ne, kur vlerësojmë që dikush paraqet rrezik për sigurinë tonë”, thuhet në njoftimin e MPJ-së.
“Kosova ka qenë dhe mbetet e përkushtuar në luftimin e ekstremizmit dhe radikalizmit”.
“Për ne, siguria e vendeve partnere paraqet investim në zgjerimin e rrjetit të sigurisë globale, ku vendi ynë kontribuon aktivisht”.
“Ne jemi pjesë e një koalicioni global, ku gëzojmë respekt për përpjekjet, përkushtimin dhe arritjet tona ligjore e institucionale”.
“Kosova e ka dhënë këtë shembull edhe duke treguar se mund t’i trajtojë të përfshirët e drejtpërdrejtë në ish-vatrat e përhapjes së luftërave dhe urrejtjes. Këtë do ta bëjmë me durim e drejtësi”.
“Kosova do të bashkëpunojë ngushtë me Italinë dhe të gjitha vendet tjera demokratike, për të luftuar çfarëdo potenciali radikal me rrezik për sigurinë e cilitdo vend”.
“Sot vetëm në partneritet dhe në koordinim, mund të ndjehemi të sigurt si komunitet evropian dhe ndërkombëtar”.
“Autoritetet tona do të merren me rastin, përderisa publiku do të informohet me kohë për epilogun e tij”.
Të ngjashme
Të tjera nga Kosova
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe