E-Diaspora
Kosovari nuk përfill policinë: refuzon testin e alkoolit dhe mosndezjen e cigares
Duke i kërkuar t`i bënin testin, policët i kishin thënë se ndërkohë nuk lejohej të pinte duhan. Ai kishte ndezur cigaren dhe kishte kundërshtuar testin e alkoolit
Policia në Neuhofen an der Krems (Qarku Linz-Land) Austri kishte ndaluar një drejtues makine, 22-vjeçar, dhe donte t`i bënte testin e alkoolit. I ndaluari, një shtetas kosovar, kishte refuzuar të bënte testin, duke i thënë polices se ai “edhe ashtu nuk flet me asnjë grua”, shkruan orf.at.
Pretekst për ndalimin e shoferit kishte qenë parkimi i makinës në një vend ku kjo nuk lejohej. Duke i kërkuar t`i bënin testin, policët i kishin thënë se ndërkohë nuk lejohej të pinte duhan. Ai kishte ndezur megjithatë një cigare dhe kishte kundërshtuar testin e alkoolit. Për më tepër, ai ka thënë se nuk flet me gratëm, pasi që ato “nuk kanë të drejta”.
Pasi që policët i kishin kërkuar çelësat e makinës, ai i kishte injoruar ata, kishte hyrë në makinë në mënyrë provokuese dhe e kishte ngarë atë disa metra. Pastaj kishte dalë, u kishte bërtitur policëve dhe i kishte kërcënuar, duke u thënë se disa shokë të tij po vinin drejt vendit të ngjarjes.
Pas kësaj, policët kanë thirrur përforcime dhe me makinat e tyre e kanë bllokuar makinën e kosovarit që ai të mos mund të ikte, përcjell Albinfo.ch. Kundër tij është bërë kallëzim penal për shkelje të shumta administrative.
Të ngjashme
Të tjera nga E-Diaspora
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe