Lajme
Kosovarja dënohet për nxitje të terrorizmit, kishte lidhje me atentatin e Vjenës
Prokurori, ka drejtuar hetimin për terrorizëm. Megjithatë, gjykata nuk e dënoi gruan për terrorizëm, por vetëm për nxitje të sulmeve terroriste.
Një grua e re 20-vjeçare nga Kosova, me shtetësi italiane, e cila ka lidhje familjare me sulmuesin e Vjenës, Kujtim F., është dënuar me tre vjet e katër muaj burgim nga gjykata e Milanos për nxitjen e terrorizmit që e ka bërë përmes internetit, transmeton albinfo.ch. Prokuroria publike e Milanos kishte kërkuar dënim me pesë vjet burg.
Gruaja e re, e cila ka qenë një mbështetëse e vendosur e “Shtetit Islamik” (IS) për tre vjet, është arrestuar nga policia në Milano nëntorin e kaluar për aktivitete të dyshuara terroriste. Hetimi qe nisur nga një raport i inteligjencës për bashkëshortin e saj, një kosovar 21-vjeçar, me të cilin ajo ishte martuar në janar të vitit 2021 dhe i cili kishte lidhje me atentatorin vjenez.
Gruaja akuzohet për nxitje terrorizmi
Qindra fotografi të “ekzekutimeve të të pafeve” me prerje koke janë zbuluar në telefonat celularë të të arrestuarve, thotë policia. Gruaja e ka cilësuar veten si pjesëtare të grupit terrorist “Luanët e Ballkanit”, shkruan vienna.at. Kosovarja, e cila i qe bashkuar grupit në moshën 16-vjeçare, kishte deklaruar në telefonata se ishte e gatshme të sakrifikonte jetën e saj për “Shtetin Islamik”.
Prokurori i Milanos, Alberto Nobili, i cili ka drejtuar hetimin kundër terrorizmit, flet për “telefonata të tmerrshme” të gruas, transmeton albinfo.ch. Megjithatë, gjykata nuk e dënoi gruan për terrorizëm, por vetëm për nxitje të sulmeve terroriste.
Më 2 nëntor 2020, 20-vjeçari Kujtim F. kishte vrarë katër persona me disa armë zjarri në qendër të Vjenës dhe kishte plagosur shumë të tjerë, disa prej të cilëve, rëndë. Simpatizanti i IS-it ishte qëlluar pastaj për vdekje nga policia.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane