Kosovë: Dy rastet e reja, raste kontakti

Dy rastet e raportuar mbrëmë në Deçan janë raste kontakti

Kështu ka bërë të ditur kryetari i kësaj komune, Bashkim Ramosaj.

“Të dashur qytetarë të Deçanit, dje kemi rezultuar me dy raste me COVID-19, si pasojë e kontaktit familjar. Ju informoj që kemi marrë të gjitha masat që na takojnë në raport me dy rastet e publikuara dhe ju siguroj që nuk ka vend për shqetësim dhe panik. Duke uruar shërim të shpejtë dy pacientëve nga Strellci, kërkoj nga të gjithë ju kujdes të shtuar që ta tejkalojmë këtë situatç”, ka shkruar Ramosaj.

Instituti Kombëtar i Shëndetit Publik mbrëmë ka konfirmuar 36 raste të reja me koronavirus në Kosovë. Deri më tani janë shënuar gjithsej 763 raste, me 166 të shëruar dhe 21 të vdekur.

---