Kosova
Kosovë: Gjykata ua vazhdoi edhe për dy muaj paraburgimin 3 të dyshuarve në rastin Banjska
![](https://www.albinfo.ch/wp-content/uploads/2023/09/veri-573x396.jpg)
Gjykata Themelore e Prishtinës ua ka vazhduar masën e paraburgimit edhe për dy muaj të tjerë 3 të dyshuarve për sulmin terrorist më 24 shtator 2023 në Banjskë të komunës së Zveçanit, Vladimir Toliq, Blagoje Spasojeviq dhe Dushan Maksimoviq, përcjell albinfo.ch.
Zëdhënësja e Gjykatës Themelore, Mirlinda Gashi, tha për Anadolu se vazhdimi i paraburgimit për 3 të dyshuarit e rastit Banjska erdhi pas kërkesës nga Prokuroria Speciale e Republikës së Kosovës.
“Ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale kundër të pandehurve V.T., B.S dhe D.M., Gjykata Themelore në Prishtinë – Departamenti Special, ka marrë vendim dhe ka aprovuar kërkesën e Prokurorisë Speciale të Republikës së Kosovës, ashtu që masa e paraburgimit tre të pandehurve iu është vazhduar në kohëzgjatje prej 2 muajsh”, tha Gashi.
Që të tre të dyshuarit, të cilët gjenden në paraburgim që nga shtatori i vitit të kaluar, janë të ngarkuar për veprat penale “Vepra të rënda kundër rendit kushtetues dhe sigurisë së Republikës së Kosovës” dhe “Kryerjen e veprave terroriste”.
Mbështetur në kërkesën fillestare të Prokurorisë për caktimin e masës së paraburgimit, ata dyshohen se bashkë me një grup personash, në mënyrë të organizuar dhe të armatosur e me dhjetëra vetura të mbushura me armatim, municion dhe veshje ushtarake hynë ilegalisht në Kosovë.
Më 24 shtator 2023 ata e bllokuan rrugën në Banjskë me dy kamionë, me qëllim të vënies në pritë të zyrtarëve të Policisë së Kosovës, e pastaj i sulmuan ata me granata dhe me armë, ku në urën afër Manastirit të Banjskës mbeti i vrarë rreshteri policor Afrim Bunjaku, ndërsa u plagos zyrtari policor Alban Rashiti.
Për sulmin e 24 shtatorit ish-politikani serb nga Kosova, Milan Radoiçiq, mori përsipër organizimin e grupit terrorist, ndërsa më vonë Policia e Kosovës përpos mjeteve dhe armëve të konfiskuara nga ky grup konfiskoi edhe një pjesë të pasurisë së Radoiçiqit në Kosovë.
Të tjera nga Kosova
E-Diaspora
-
Mësuesit e shkollave të diasporës, në Kuvendin e Kosovës Mësuesit e Shkollave Shqipe “Alba Life”, New York, në Kuvendin e Kosovës ...
-
Ardhja e mërgimtarëve, dy orë e gjysmë pritje te Dheu i Bardhë
-
Mërgimtarët janë duke pritur deri në 2 orë në pikën Dheu i Bardhë
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
Jeta në Zvicër
-
Procesi i miratimit të barnave në Zvicër, më i ngadalshëm se në Evropë Është një fakt i njohur se shumë gjëra në Zvicër përparojnë me ritmin e kërmillit, dhe...
-
Zvicra, në prag të festimit të 733-vjetorit si shtet
-
Zvicër: Pushimet verore mbaruan, është koha e ‘kthimit në shkollë’
-
Zvicra nis një fushatë ndërgjegjësimi për përdorimin e dronëve
-
Pse dështuan iniciativat për uljen e kostove shëndetësore në Zvicër?