Kosova
Kosovë: Vjedhja e një pule u kushtoi me 750 euro gjobë tre të akuzuarve
Vendim: Vjedhja e një pule, gjobë prej 750 euro

Shpeshherë dëgjojmë raste nga më të ndryshmet dhe më interesante në jetën e përditshme, por në shtetin e Kosovës po i bëhet jehonë një rasti unik, që ka të bëjë me vjedhjen e një pule në qytetin e Prizrenit, transmeton albinfo.ch.
Thuhet se tre të akuzuarit S.L., N.M. dhe R.L., janë dënuar me 750 euro gjobë, pasi në kotecin e të dëmtuarit A.F. kanë marrë një pulë.
Sipas aktgjykimit të siguruar nga “Betimi për Drejtësi”, për këtë veprim secili nga të akuzuarit është dënuar me nga 250 euro gjobë.
Aktgjykimi në fjalë është shpallur në seancën fillestare të 16 dhjetorit të vitit 2019, nga gjykatësi i Gjykatës Themelore në Prizren, Fatmir Krasniqi, pasi paraprakisht të akuzuarit e kanë pranuar fajësinë.
Ndërkaq, i dëmtuari A.F. për realizmin e kërkesës pasurore-juridike është udhëzuar në kontest civil.
Prokuroria Themelore në Prizren, në tetor të vitit 2018, ka ngritur aktakuzë ndaj S.L., N.M. dhe R.L., me arsyetimin se të akuzuarit në janar 2018, pas mesnate në komunën e Prizrenit, në bashkëveprim ia dëmtojnë pasurinë të dëmtuarit A.F., ashtu që shkojnë në shtallën e pulave, pronë e të dëmtuarit, ku të akuzuarit S.L. dhe N.M. përmes një çekani e hapin drynin e kotecit të pulave, të cilin e dëmtojnë, ndërsa i akuzuari R.L. hynë brenda dhe merr një pulë dhe pastaj largohen nga vendi i ngjarjes.
Me këtë, ata akuzoheshin se në bashkëkryerje kanë kryer veprën penale “Asgjësimi apo dëmtimi i pasurisë”, nga neni 333, paragrafi 1, lidhur me nenin 31 të Kodit Penal, vepër kjo e dënueshme me burgim deri në një vit. /Albinfo.ch
Të ngjashme
Të tjera nga Kosova
E-Diaspora
-
Këshilli i Arsimtarëve në Diasporë, me mesazh për Festën e Flamurit Këshilli Koordinues i Arsimtarëve në Diasporë (KKAD-ja) përmes një mesazhi u ka uruar shqiptarëve, kudo që...
-
Ndahen çmimet “Züri Awards”: Islam Alijaj shpallet “Tsürcher i Vitit 2023”
-
Prokuroria kërkon 18 vjet burgim për vrasësin e Shqiponja Isufit
-
“Xhubleta në UNESCO”, një mbrëmje kulturore e veçantë, e mbajtur në Lozanë
-
Zvicër: ‘Forumi Ekonomik” ndërmjet bizneseve të diasporës shqiptare dhe atyre nga Kosova
Jeta në Zvicër
-
Zvicër: Ekspertët mbështesin përfitimet shëndetësore të ujit të ftohtë Mbrojtësit e notit në ujë të ftohtë këmbëngulin për përfitimet e tij shëndetësore – dhe mendimi...
-
Radari ‘kapi’ gabimisht 10,000 shoferë të pafajshëm në Bernë
-
Qyteti zviceran voton për të refuzuar eksperimentin e të ardhurave bazë
-
Si ta kontestoni një gjobë për shpejtësi në Zvicër?
-
Mungesa e punëtorëve të kualifikuar është kthyer në problem serioz në Zvicër