Koronavirusi: çast pas çasti

Kredi deri në 500 mijë franga me 0 për qind interes për bizneset zvicerane

Ndërsa për kreditë nga 20 milionë franga e tutje, norma e interesit do të jetë 0.5 për qind

Ministri i Financave në Qeverinë Federale të Zvicrës, Ueli Maurer, ka deklaruar sot se Këshilli Federal është duke siguruarar 20 miliardë franga garanci për kreditimin e bizneseve, shkruan sda.ch. Një rregullore për këtë çështje është miratuar sot.

Sipas ministrit të financave, kreditë deri në 500,000 franga zvicerane jepen pa interes, transmeton albinfo.ch. Ndërsa për kreditë nga 20 milionë franga e tutje, norma e interesit do të jetë 0.5 për qind, pasi që për t`u bërë këto, nevojiten më shumë sqarime.

Maurer me këtë rast ka shprehur fjalë mirënjohjeje për bashkëpunimin me bankat, si dhe me organizatat e tjera. Në veçanti, sipas tij, për këtë bashkëpunim duhet të theksohen bankat. Të gjithë po punojnë së bashku në  këto kushte krize.
Këto 20 miliardë franga janë një paketë, ka vazhduar ministri i financave, përcjell albinfo.ch. Pra ky nuk është fundi. Ndoshta pako shtesë do të jenë të nevojshme, veçanërisht për ndërmarrjet më të mëdha.