Kosova
Krerët e sigurisë e drejtësisë mblidhen pas vrasjes në Gjakovë
Pas vrasjes e cila ndodhi në Gjakovë, ku burri vrau gruan dhe vajzën, krerët e prokurorise, policisë e drejtësisë janë mbledhur për të biseduar në lidhje me rastin.
Kryeprokurori i Shtetit, Aleksandër Lumezi, ka pritur sot në takim Ministrin e Drejtësisë, Abelard Tahiri, Ministrin e Punëve të Brendshme, Bejtush Gashi dhe Drejtorin e Departamentit për Operacione në Policinë e Kosovës, Rashit Qalaj, për të diskutuar rreth ngjarjes tragjike, e cila ka ndodhur para dy ditësh në Gjakovë, ku janë privuar nga jeta një nënë dhe vajza e saj.
Me anë të një njoftimi nga KPK, krerët e institucioneve të rendit dhe ligjit, kanë shprehur shqetësimet e tyre të thella për ngjarjen dhe janë zotuar për të bërë një hetim të plotë për rrjedhën e trajtimit të këtij rasti nga organet e rendit.
“Gjatë takimit, palët shprehën gatishmërinë e plotë që në rast të evidentimit të neglizhencës eventuale nga secili person zyrtar i ngarkuar për të parandaluar rrethanat e kësaj ngjarjeje, do të kërkohet llogaridhënie dhe personat zyrtar përgjegjës do të dalin para përgjegjësisë”, thuhet në njoftim.
Institucionet e rendit dhe ligjit, vlerësojnë se ky akt tragjik është momenti i fundit i reflektimit për një trajtim shumë serioz të politikës shtetërore, e cila është në funksion të mbrojtjes dhe sigurisë së jetës së qytetarëve të Republikës së Kosovë nga çdo cenim i mundshëm.
“Krerët e institucioneve të rendit dhe ligjit inkurajojnë të gjithë qytetarët e Republikës së Kosovës dhe institucionet, të cilat kanë përgjegjësi në këtë fushë për të bashkëpunuar ngushtësisht në parandalimin efikas të çdo cenimi të jetës që mund t’iu kanoset qytetarëve të Kosovës, pa dallim”, thuhet më tutje në njoftim.
Kryeprokurori Lumezi ka thënë para bashkëbiseduesve se zbatimi i ligjit dhe përkujdesja nga ana e Zyrës për Mbrojtje dhe Ndihmë Viktimave në kuadër të Zyrës së Kryeprokurorit të Shtetit do të japin shërbime më efikase, me ç’rast duhet qartësuar se edhe gjykatat brenda periudhave të arsyeshme kohore t’i gjykojnë kryesit e veprave të dhunës në familje, me qëllim të parandalimit të ndonjë krimi të përmasave të mëdha.
Të ngjashme
Të tjera nga Kosova
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?