Kriza në Maqedoni nuk i zmbraps investitorët e huaj

Gjermania prin me investime direkte në vendin me tensione që ka rezultuar me një krizë politike në këtë shtet

Viti 2016 vlerësohet të jetë më i miri sa i përket investimeve direkte në Maqedoni. Sipas statistikave të Bankës Popullore të Maqedonisë, në vitin 2016 erdhën pothuajse 359 milionë investime të drejtpërdrejta. Bëhet fjalë për rezultatet më të mira në 5 vjetët e fundit dhe kjo e plotëson nivelin e arritur në vitin 2011, ndërkohë që ka progres të madh në krahasim me vitin e kaluar, ose 142 milionë euro më shumë, shkruajnë mediat në Shkup, përcjell albinfo.ch.

Investimi ka qenë më i madh në tremujorin e parë, ose pothuajse 107 milionë. Në këtë të fundit, kjo shifër është 36 milionë, ndërsa në tremujorin e tretë 56 milionë. Vëzhguar vendet nga ku vijnë investimet, vetëm në 9 muajt e parë të vitit 2016 udhëheqin Gjermania dhe Turqia me rreth 23 milionë euro. Në krye të pesë vendeve është edhe Italia, Bullgaria dhe Luksemburgu me rreth 12 milionë euro.

Më së shumti investime në nëntë muajt e parë të vitit të kaluar ka pasur në industri, 38 milionë, financa dhe sigurime 15 milionë, miniera gjithashtu 15 milionë.