Shqipëri: Meta ofron dorëheqjen, nëse i shërben zgjidhjes së krizës

Zgjedhjet lokale në Shqipëri me shumë mundësi mund të shtyhen. Shkak për këtë është bërë kriza politike që ka përfshirë këtë vend.

Për këtë Presidenti i Shqipërisë, Ilir Meta, është shprehur i gatshëm të rishikojë Dekretin për caktimin e datës së zgjedhjeve vendore dhe të dekretojë një datë tjetër për zhvillimin e tyre, transmeton albinfo.ch.

Ai përsëriti shqetësimin për krizën kushtetuese, institucionale, politike dhe të përfaqësimit, ku ndodhet vendi.

“Nxitur nga zhvillimet e djeshme, përshëndes dhe mirëpres angazhimin e shprehur të Parlamentit Gjerman për zgjidhjen e krizës, duke iu bashkuar thirrjes së tyre drejtuar të gjitha palëve politike në Shqipëri, për të marrë përgjegjësitë vendimmarrëse për të gjitha çështjet që lidhen me stabilitetin demokratik në vend, në mënyrë gjithëpërfshirëse dhe pa përjashtuar asnjë temë. Si kryetar i shtetit, kam përgjegjësinë kushtetuese t’i respektoj dhe t’i mbroj parimet e Kushtetutës së Republikës së Shqipërisë, duke evidentuar gjithashtu çdo rast kur këto parime rrezikojnë të kërcënohen”, ka thënë Meta.

Ai ka përsërit se është gati të heqë dorë edhe nga mandati i presidentit, nëse kërkohet dhe nëse shihet zi zgjidhje.