Shqipëria

Kryemadhi: LSI-ja s’do të jetë pjesë e pazareve për të shpëtuar Ramën

Kryetarja e LSI në Shqipëri, Monika Kryemadhi ka theksuar edhe njëherë se nuk do të marrin pjesë në pazare të Edi Ramës.

Kryetarja e LSI, Monika Kryemadhi ka deklaruar se nuk do të këtë asnjë marrëveshje me qeverinë për t’i zgjatur asaj agoninë.

Në një status në Facebook, Kryemadhi ka shkruar se LSI-ja nuk do të jetë kurrë pjesë e pazareve për të shpëtuar Edi Ramën.

“Asnjë marrëveshje apo bisedim nuk ka dhe nuk do të këtë për t’i zgjatur agoninë kësaj qeverie, që e zhytur në krim, trafiqe të paligjshme dhe korrupsion po përpiqet, që në grahmat e fundit, të mundet të shpëtojë me manipulime të tilla. LSI-ja ka qenë dhe do të jetë pro dhe pjesë e çdo takimi apo tryeze, që trajton dhe diskuton përmirësimin e jetës së shqiptarëve dhe largimin e klikës së Edi Ramës. Çdo përpjekje tjetër për ta përfshirë LSI në bisedime është thjesht pjesë e fantazisë së sëmurë të Edi Ramës, që sot më shumë se kurrë është i gatshëm të blejë e të shesë çdo gjë e çdokënd në emër të pushtetit, por që duhet t’a ketë më shumë se kurrë të qartë, se për të shpëtuar karrigen e tij nuk do ketë kurrë ndihmën e LSI”, ka shkruar ajo.