Koronavirusi: çast pas çasti
Kryeministri i Italisë: Shkollat të mbyllura deri në shtator, nga 4 maji nis rihapja e bizneseve
Italia është ndër shtetet më të goditura nga pandemia e koronavirusit.
Si pasojë e kësaj, jeta në Itali është paralizuar tashmë e dy muaj, por kryeministi Giuseppe Conte ka njoftuar këtë të diel rifillimin e jetës, pas një periudhe të gjatë gjunjëzimi nga përhapja masive e koronavirusit.
Kryeministri Conte ka njoftuar rihapjen e një pjese të madhe të industrive dhe bizneseve duke filluar nga 4 maj, duke i paralajmëruar që të bëjnë shumë kujdes.
Gjithashtu, është vendosur që shkollat të qëndrojnë të mbyllura për këtë vit shkollor dhe të rihapen në shtator, pra në vitin e ri shkollor.
“Ne nuk jemi në gjendje të rivendosim lirinë e plotë të lëvizjes. Shkollat janë shumë të rëndësishme për ne dhe do të hapen përsëri në shtator”, ka thënë Conte.
Kryeministri është shprehur për mediat italiane se disa aktivitete të rëndësishme ekonomike strategjike mund të rifillojnë së shpejti, ndoshta brenda javës tjetër, përfshirë sektorët e prodhimit.
“Prioritet duhet t’u jepet bizneseve të drejtuara nga eksporti që kanë rrezik të ulen nga zinxhirët e furnizimit global”, ka thënë ai, ndërsa ka shtuar se shëndeti dhe siguria e punonjësve ishte gjithmonë përparësia kryesore.
Frika se jugu i varfër i Italisë do të shohë shpërthime në një shkallë të ngjashme me veriun, deri më tani nuk është provuar, përcjell Albinfo.ch.
Të ngjashme
Të tjera nga Koronavirusi: çast pas çasti
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Fitimet e Bankës Kombëtare të Zvicrës kthehen në nivele rekord Përveç një fitimi prej 52.4 miliardë CHF në zotërimet e saj në valutë të huaj, SNB...
-
Komisioni zviceran kërkon që azilkërkuesit të deportohen në një vend të tretë
-
Mungesa e psikoterapistëve i lë fëmijët zviceranë në krizë
-
Frëngjishtja në rritje në qytetet dygjuhëshe të Zvicrës
-
A priten vonesa dhe tollovi në aeroportin e Cyrihut?