Lajme

Kryeministrja e Zelandës shtyn dasmën për shkak të shtrëngimit të masave

Ajo është shprehur se nuk ndryshonte nga mijëra të tjerë të Zelandës së Re që po durojnë efekte shumë më shkatërruese nga pandemia.

Zelanda e Re ka shtrënguar së fundi masat e koronavirusit sepse ka regjistruar nëntë infeksione të reja omikron në dy ishujt kryesorë të vendit gjatë fundjavës.

Një person nga një familje e infektuar ka marrë pjesë në një dasmë me 100 të ftuar, dhe kjo është arsyeja pse kryeministrja Jacinda Ardern anuloi dasmën e saj të planifikuar, transmeton albinfo.ch.

Duke iu përgjigjur pyetjeve të medias lidhur me këtë, ajo ëhtë shprehur se nuk ndryshonte nga mijëra të tjerë të Zelandës së Re që po durojnë efekte shumë më shkatërruese nga pandemia.

Shteti ishull po përdor një sistem semafori për të luftuar virusin, kështu që vendi do të jetë në “të kuqen” nga mesnata, sipas orës lokale, shkruan srf.ch duke ju referuar mediave zelandeze. Pastaj ka rregulla më të rrepta të maskave ose vepron kufiri i sipërm prej 25 të ftuarve në ngjarjet si dasmat.


LAJME INTERESANTE NGA INTERNETI