Ku është fotografuar pllakati që ndalon shqipen në Zvicër?

Një pllakat që ndalon  komunikimin në gjuhën shqipe supozohet të jetë vendosur diku në nje zyre zvicerane. Fotografia  ishte përhapur me shpejtësi në të gjitha portalet nëpër Shqipëri dhe Kosovë duke shkaktuar debate nëpër forume të ndryshme në rrjetet sociale

Madje mediat  kishin konstatuar se në Zvicër ndalohet shqipja nëpër institucionet zvicerane. Me pllakatin që ua ndalon shqiptarëve të mos flasin shqip është marrë sot edhe platforma zvicerane 20min.

Sipas 20min nga komentet e shumta në rrjetetet sociale vërehet irritimi i shqiptarëve për ndalimin e komunikimit në gjuhën shqipe.

Mbetet e paqart se a mund të jetë i vërtet pllakati në fjalë madje as vendodhja e tij nuk dihet.

20min kërkon të gjithë ata që kanë  më shumë informata për vendodhjen e pllakatit të lajmërohen në redaksinë e tyre. Do të ishte mirë ta na shkruani edhe neve nëse keni hasur në një ndalesë të tillë të shqipes. [email protected]