Kuriozitete

Kulla Eiffel ka shënuar 130-vjetorin e ndërtimit të saj

Kulla e Eiffelit, monumenti ikonë i Francës, të mërkurën mbrëma ka festuar 130-vjetorin e krijimit me një spektakël dritash.

Me 324 metra mbi Paris, “Zonja e Hekurt” u dizajnua nga inxhinieri Gustave Eiffel dhe u krijua në vitin 1889.

Ndërtimi i monumentit të famshëm parisien zgjati dy vjet dhe ishte konsideruar si arritja më e madhe arkitekturore e asaj kohe. Për ndërtimin e saj u angazhuan 450 punëtorë, transmeton albinfo.ch.

Shtatë milionë turistë vizitojnë Eiffelin çdo vit dhe llogaritet se që prej vitit 1889 monumentin e famshëm e kanë vizituar 300 milionë njerëz nga e gjithë bota.