Kosova
Kurti: Zhvillimi i Kosovës lidhet direkt me kontributin e mërgatës
Fjala e hapjes së kryeministrit të Kosovës, në Forumin e Bizneseve të Diasporës
Kurti u shpreh që është i kënaqur të bëjë hapjen e Forumit të Bizneseve të Diasporës dhe shpreson që përmes rrjetëzimit që ofron ky forum të lidhen partneritete bashkëpunimi në mes të bizneseve të Kosovës dhe atyre të diasporës, shkruan albinfo.ch.
Ai gjithashtu e pati një thirrje për diasporën e Kosovës. “Thirrja jonë është që të kontribuohet për Kosovën, tashmë jo duke u sakrifikuar, por duke kontribuar”.
Kurti shtoi që qeveria është duke punuar që diaspora të jetë pjesë integrale e ekonomisë dhe kulturës në Kosovës.
“Jemi në situatën që kemi nevojë për shkathtësi, dije dhe punën e mërgatës tonë dhe jo vetëm për financa”, shtoi Kurti.
I pari i ekzekutivit shtoi që Kosova është vendi i duhur për të bërë investime, prandaj i ftoi bizneset e diasporës që të investojnë.
Ai më tej tha se pozita gjeografike e Kosovës, aeroporti modern, infrastruktura rrugore, afërsia e porteve e bëjnë vend të volitshëm tregtar e transportues, ndërsa theksoi se po punojnë që të modernizohen edhe hekurudhat dhe të shtohet potenciali transportues.
“Popullsia e re, profesionale që flet gjuhë të huaja, teknologjia e përparuar, qasja në internet e qiratë e ulëta, e bëjnë vend për investime”, tha Kurti.
Sipas tij, Kosova ka mbi 650 kompani në fushën e teknologjisë së informacionit, shumica e të cilave shërbejnë edhe në tregjet e jashtme.
Blakaj: Të hapet Shtëpia e Bizneseve të Diasporës në Prishtinë
Kryetari i Rrjetit të Bizneseve Diasporës Shqiptare në Austri, Yll Blakaj ka thënë se Kosova duhet të jetë më e gatshme në pranimin e ofertave që vijnë nga jashtë.
“Forume të tilla organizohen çdo vit nga Rrjeti i Bizneseve dhe tashmë kjo është bërë një traditë e këtyre eventeve. Edhe vitin e kaluar kemi organizuar një konventë të suksesshme mes bizneseve nga diaspora dhe atyre nga Kosova. Bashkë me anëtarët e përgjithshëm të Rrjeteve të Bizneseve Shqiptare nëpër botë, kemi konstatuar se rrjetëzimi po vazhdon me sukses por edhe lidhja në mes bizneseve shqiptare dhe sigurimi i tregut në Evropë për prodhimet nga Kosova”, ka thënë Blakaj, ndërkohë nga kryeministri Kurti ka kërkuar që të hapet Shtëpia e Bizneseve të Diasporës në Prishtinë.
“Zoti Kryeministër, ashtu siç kam theksuar, këtij bashkëpunimi i duhet ndihma e institucioneve të Kosovës, ndërkohë si Rrjet kemi menduar që të bëhet një Shtëpi e Bizneseve të Diasporës në Kosovë, e cila do të intensifikon angazhimin e bizneseve, të largon burokracitë e panevojshme shteterore si dhe të bën shtetin tonë të kalon nga faza e remitencave që pranon nga diaspora, në investime kapitale”.
Ndryshe, gjatë këtij Forumi do të paraqiten bashkëpunime të suksesshme mes bizneseve të Kosovës, diasporës dhe të huaja, prezantime nga komunat në lidhje me planet e tyre potenciale ekonomike, mjedisin e biznesit dhe burimet e tjera për të nxitur bashkëpunime mes afaristëve.
Gjithashtu, vizitat në terren do të organizohen për diasporën dhe bizneset e huaja në kompanitë e Kosovës, ku ata do të mund ta dëshmojnë së afërmi kapacitetet prodhuese të kompanive të vendit tonë.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet