Lajme
Ky kanton zviceran “mbyllet” për dy javë dhe bën testime masive
Për shkak të numrit të lartë të rasteve të koronavirusit, kantoni i Graubündenit ka vendosur për një bllokim afatshkurtër
Graubündeni është kantoni i parë në Zvicër që ka vendosur të realizojë testime masive në kuadër të një projekti pilot.
Për shkak të numrit të lartë të rasteve të koronavirusit, kantoni gjithashtu ka vendosur për një bllokim afatshkurtër, shkruan sda.ch. Restorantet dhe të gjitha objektet publike do të mbyllen për dy javë.
Si pjesë e projektit të përmendur pilot, e gjithë popullsia, mbi bazë vullnetare, do të testohet sipas një ndarjeje në tre rajone, transmeton albinfo.ch njoftimin e komunikiar sot nga Qeveria Kantonale e Graubündenit.
Midis 11 dhe 13 dhjetorit do të bëhet testimi masiv në rajonet Maloja, Bernina dhe Engiadina Bassa / Val Müstair. Ky projekt pilot synon gjithashtu të krijojë pikënisjen për kryerjen e një testimi gjithëpërfshirës në të gjithë kantonin, nëse është e nevojshme.
Përveç kësaj, kantoni po shtrëngon masat për mbrojtje nga koronavirusi. Këto masa parashikojnë në thelb ndalimin e takimeve me më shumë se dhjetë persona, si në jetën private ashtu edhe në jetën publike. Dhe: nga e premtja në mbrëmje (sonte), ora 23:00, duhet të mbyllen të gjithë restorantet.
Këto masa pritet të jenë në fuqi deri më 18 dhjetor, përcjell albinfo.ch. Ekzistojnë vetëm disa përjashtime si për shërbimet e “take away”, ato të shpërndarjes së mallrave si dhe për hotelet.
Koncepti i përgjithshëm i mbrojtjes për Graubündenin ka për qëllim të frenojë pandeminë, të garantojë sezonin e dimrit në rajonet turistike dhe të mundësojë festime private në Krishtlindje dhe Vitin e Ri.
Megjithatë, sportet dimërore lejohen edhe më tutje të praktikohen. Një mbyllje e plotë e zonave të skive duhet të parandalohet me të gjitha mjetet, ka thënë kreu i qeverisë së kantonit, Christian Rathgeb. Sezoni i dimrit është me rëndësi thelbësore për kantonin Graubünden.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?