Kosova

Laura Fazliu e bronztë, sjellë medaljen e pestë olimpike për Kosovën

E martë, 30 Korrik 2024 - 18:20 albinfo.ch

Kosovo Olympic Committee

Medaljen numër pesë për Kosovën e siguroi Laura Fazliu. Ajo e fitoi të bronztë në kategorinë deri 63 kilogramë.

Për medalje të bronztë, Laura e mposhti kroaten Katarina Krishto.

Laura ishte bartëse e tretë dhe kështu në xhiron e parë ishte e lirë. Në të dytën e mposhti kinezen Jing Tang.

Në çerekfinale, Laura e kishte përballë legjendën e xhudos, francezen Clarisse Agbegnenou.

Medalja e Laurës është e dyta për Kosovën në Lojërat Olimpike “Parisi 2024”. Të dielën medalje të argjendtë fitoi Distria Krasniqi në kategorinë deri 52 kilogramë.

Majlinda Kelmendi e ka fituar medaljen e parë olimpike për Kosovën, të artën në Rio 2016. Në Tokio 2020, medalje të arta kanë fituar Distria Krasniqi e Nora Gjakova.