Kosova
“Llozana 2020”, ekipi olimpik i Kosovës niset drejt Zvicrës
Përfaqësuesit e Kosovës janë nisur drejt Zvicrës për Lojërat Olimpike Dimërore për të Rinjtë “Llozana 2020”
Ekipi olimpik i Kosovës është nisur sot për në Llozanë të Zvicrës, ku do të marrë pjesë për herë të parë në Lojërat Olimpike Dimërore për të Rinj “Llozana 2020”, transmeton albinfo.ch.
Nisja është bërë nga aeroporti ndërkombëtar “Adem Jashari”. LOD për të Rinj mbahen prej 9-22 janar 2020 në Llozanë të Zvicrës. Kosovën e përfaqësojnë skitarët: Drin Kokaj e Era Shala.
Thuhet se Drin Kokaj dhe Era Shala janë dy sportistët e vetëm që do ta përfaqësojnë Kosovën në Lojërat Olimpike Dimërore për të Rinj, “Llozana 2020”, të cilat mbahen prej 9 – 22 janar 2020 në Zvicër, bëhet e ditur përmes një komunikate për media.
Të dy janë pritur nga drejtuesit e KOK-ut, presidenti Besim Hasani dhe sekretari i përgjithshëm, Shasivar Haxhijaj. Të pranishëm ishin edhe kryetari i Federatës Skitare të Kosovës, Milaim Kelmendi, njëherësh nënpresident i KOK-ut, si dhe trajnerët Feim Kollçaku e Bujar Turjaka.
Gjatë takimit Hasani i ka uruar suksese ekipit olimpik, duke kërkuar të ndihen krenarë që po e përfaqësojnë Kosovën, si dhe ta përfaqësojnë dinjitetshëm vendin tonë. Tutje, ai i njoftoi edhe me rregullat elementare të Anti-Dopingut, si dhe për sjelljet e mira që duhet të kenë gjatë qëndrimit në Fshatin Olimpik.
Edhe skitarët Kokaj e Shala janë shprehur optimistë se do të arrijnë rezultate të kënaqshme. Të dy pjesëmarrjen në Lojërat Olimpike për të Rinj e kanë quajtur realizim të ëndrrës.
Trajnerët kanë deklaruar se falë përgatitjeve të bëra për disa javë dhe garave në të cilat kanë marrë pjesë, garuesit janë të gatshëm për sfidat që i presin në LOD për të Rinj “Llozana 2020”. /Albinfo.ch.
??Ekipi Olimpik i Kosovës është nisur sot për në Llozanë të Zvicrës, ku do të marrë pjesë për herë të parë në Lojërat…
Publiée par Kosovo Olympic Committee sur Mercredi 8 janvier 2020
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe