Lajme

Sopranoja Elbenita Kajtazi, në festivalin “Glyndebourne Opera 2020” në Londër

Elbenita Kajtazi, sopranoja që po shkëlqen në skenat më prestigjioze operistike

Sopranoja Elbenita Kajtazi, me një karrierë të suksesshme në muzikë, do të marrë pjesë në festivalin “Glyndebourne Opera 2020” në Londër. Artistja do të interpretojë rolin “Adina” nga opera e mirënjohur “L’elisir d’amore”, kompozuar nga Donizetti, shkruan albinfo.ch.

Sopranoja shqiptare nga Kosova, e cila jeton në Gjermani, ka interpretuar në shumë skena prestigjioze operistike.

Ajo së fundi në profilin e saj Facebook ka shkruar se do të jetë pjesë e festivalit “Glyndebourne Opera 2020” në Londër.

Më poshtë postimi i saj i plotë:

 

Nuk e përshkruaj dot me fjalë se sa e lumtur jam që do jem pjesë e festivalit Glyndebourne Opera 2020!

Nën dirigjimin e Enrique Mazzola me orkestren London Philharmonic Orchestra do kem rastin të këndoj rolin tim të dashur Adina nga opera e mirënjohur L’elisir d’amore kompozuar nga Donizetti.

Në të njëjtën kohë që unë do kem kënaqësinë të këndoj në Glyndebourne Opera House, motra ime Ermonela Jaho do ketë shfaqjet e Madama Butterfly në Royal Opera House në Londër. Për mua një moment i tillë ka rëndësi shumë të madhe, sepse para gjashtë viteve Ermonela më ka thënë që një momenti tillë do të vijë nëse i përkushtohem punës me dedikim dhe pasion.

Jam me fat, sepse do kem mundësi ta punoj Traviaten me Violettën më të mirë në botë.

Ermonela , mezi po pres…