Londra nderon 18-vjetorin e Pavarësisë së Kosovës me pritje diplomatike

Muzikë, diplomaci dhe krenari kombëtare për 18-vjetorin e Kosovës në Londër

Me rastin e 18-vjetorit të shpalljes së Pavarësisë, Ambasada e Republikës së Kosovës në Londër organizoi pritje solemne në Londër, duke mbledhur përfaqësues të korit diplomatik, deputetë të Parlamentit të Mbretërisë së Bashkuar, përfaqësues të Oborrit Mbretëror dhe të Dërguarën e Posaçme për Ballkanin Perëndimor, si dhe miq e mbështetës të Kosovës, shkruan albinfo.ch.

Kremtimi vijoi me një mbrëmje festive me pjesëmarrjen e diasporës shqiptare në Mbretërinë e Bashkuar, ku atmosfera u pasurua nga muzika e grupit Asgjë Sikur Dielli.

Në fjalën e tij, ambasadori Ilir Kapiti theksoi se rrugëtimi i Kosovës drejt lirisë dhe shtetësisë ka qenë i gjatë dhe i mundimshëm, i ndërtuar mbi sakrificën dhe aspiratën për vetëvendosje – nga rezistenca paqësore deri te lufta çlirimtare e Ushtria Çlirimtare e Kosovës. Ai shprehu mirënjohje për mbështetjen e vazhdueshme ndaj Kosovës.

Të pranishmit i përshëndeti edhe ambasadori i Shqipërisë në Mbretërinë e Bashkuar, Uran Ferizi, i cili uroi 18-vjetorin e Pavarësisë për Kosovën dhe shqiptarët kudo që ndodhen./Albinfo.ch

---