Lajme
Lozanë: Policia në kërkim të një luaneshe të arratisur
Në orën 15:30, një person privat ka raportuar se një luan po ecte në kopsht, transmeton albinfo.ch. Pamja që ka treguar ai në fotografi u konfirmua nga eksperti
Një “mace e madhe” është në lëvizje në komunën Epalinges në veri të Lozanës. Policia paralajmëron njerëzit që të mos ikin nga kafsha e egër dhe në vend të kësaj këshillon të informojnë autoritetet në rast se shohin një të tillë.
Në orën 15:30, një person privat ka raportuar se një luan po ecte në kopsht, transmeton albinfo.ch. Pamja që ka treguar ai në fotografi u konfirmua nga eksperti. Sipas punonjësve të kopshtit zoologjik në Servion, kafsha në foto thuhet se është një luaneshë, shkruan 20minuten.ch.
Sipas policisë kantonale, policia, autoriteti i kafshëve të egra të kantonit Vaud dhe veterinari kantonal ndodhen në vend. “24heures”, shkruan se disa dronë dhe një helikopter Super Puma janë në aksion që prej orës 18:00, duke qarkulluar mbi zonë, përcjell albinfo.ch Patrulla të shumta policie dhe snajperë janë gjithashtu në vend.
Kopshti Zoologjik Servion ka konfirmuar se të dy luanët e tyre janë ende në kopshtin zoologjik. Pra, nëse macja e egër është arratisur nga ndonjë kopsht zoologjik, atëherë Sikypark në Crémines (BE) do të ishte e vetmja mundësi.
Siç shkruajnë mediat zvicerane, aktualisht nëpër media sociale ka zëra se ky mund të jetë një “shaka e parakohshme e 1 prillit”, por me këtë rast policia paralajmëron se kushdo që ka bërë një shaka të tillë, do t`i kushtojë shumë shtrenjt”.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?