Lajme
MA35 ia vonon vizën, gruaja nga Vjena mund ta humbasë terminin te mjeku i dhëmbëve në Kosovë
Një grua nga Vjena dëshiron të udhëtojë për në Kosovë. Atje, ajo ka një termin në një ordinancë stomatologjike për mjekimin e dhëmbëve. Por, për shkak të vonesës së vazhdimit të vizës për vajzën e saj, gruaja mund ta humbas termin e rezervuar me datën 11 dhjetor.
Nadine M. (emri i ndryshuar nga gazeta heute.at), nënë e dy fëmijëve i mungojnë dy dhëmbë në nofullën e poshtme. Për arsye të çmimit të lartë në Austri, ajo dëshiron t’i vendosë implantet në Kosovë, transmeton albinfo.at.
Kështu që tre muaj më parë ajo aplikoi në MA35 (Enti për aplikim dhe vazhdimin e lejes së qëndrimit në Vjenë) për dy vajzat e saj (2, 4 vjeçare). Ndërkohë që aplikimet për atë dhe vajzën e madhe erdhën shpejt, viza për vajzën e vogël ka vonesa.
Gruaja kishte pyetur për t’u informuar rreth vonesës së vizës për vajzën e saj, por nuk kishte marrë përgjigje. “Paraqitja personale nuk është e mundur për shkak të masave në Austri. Kur ne telefonuam, askush nuk ishte në dispozicion”, tha motra e Nadines për heute.at.
Familjes i ishte shtyrë viza disa herë. Herën e fundit i ishte premtuar se ata do të pajisen me vizë më së largu më 30 nëntor, pak ditë më vonë atyre iu thanë se duhet të presin deri më 8 dhjetor.
Gazeta ka pyetur në MA35, por ata kanë thënë se nuk komentojnë për çështje të veçanta, megjithatë kanë premtuar se do ta shikojnë këtë çështje. Tani, mbetet të shpresohet vetëm që për festat e fundvitit, gruaja të këtë vendosur dhëmbët e saj.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane